Vo dere Siete isches gut gange,nur wennig Fans u i bi au recht schnell ide Halle gsi. vo mim Platz us hanni gut ufd Buehni gseh u was mi beidruckt haet isch wie hoech sie gsi isch u ueberhaengend! Waerendaem Konzert haets immer wieder Fans gha wos uf Buehni gschaft haend, sisch muesam gsi fuerd Musiker. Anselmo Trend isch oebis neus gsi fuer mi, so au Koobas, aber es isch gut ueberecho. Dae John Mayall mit sine Bluesbreakers isch super gut gsi u vo ihm hanni damals scho einiges a Music gha. Ad Traffic manni mi gar nueme erinnere, isch soviel uf eim zucho! The Move hanni scho vo Singels kennt u isch nid neu gsi fuer mi, wasmer richtig super gut igfahre isch wodae Eric Burdon mitdae Animals sin uftritt gha haet, ae super Lichtshow - Sky Pilot u.s.w., er isch en Favorit gsi fuer mi. Ja und daen dae uftritt vom Jimi Hendrix, das isch ab wied Post,was dae mit sinere Gitarre gmacht haet, eifach cool. Nur leider haets am Konzert Luet gha wo nur cho sind zum Laembe mache, si haend bim Jimi Bierdeckel uft Buehni gworffe. Er haetnae klar gmacht dasser nuemewieder spielt wenns nid ufhoert aber eshaet wieder agfange u da haeter ae Pause gmacht. Derna haeter sies Konzert zend gspielt. Er isch fuer mi dae hoehepunkt gsi vom Konzert, daerna hanni mi fruezytigufe heiweg gmacht.
Vorem Stadion haendsmer no aen Globus Demo Zettel id Hand druckt. Das isch dae Afang gsi vo Zueri braend! I muess saege ae gute afang isches fuer mi gsi u vielli Live Konzert hanni spaeter gseh, Stadion & Open Air Konzert Nomal herzliche Dank a mini Schwoeschter fuer das Billett.
Fidi im Mai 2016
Foto: Fidi 1969
 |
Keine Kommentare:
Kommentar veröffentlichen